Estimataj membroj de la paĝaro edukado.net

Ni informas vin, ke la jarraporto pri la agado de nia retejo en la jaro 2019 estas preta kaj legebla.
La publika raporto sen la detalaj financaj partoj elŝuteblas en la DOSIERUJO.
En la dokumento vi povas legi ne nur pri la atingaĵoj kaj rezultoj de la pasinta jaro, sed ankaŭ pri niaj ĉi-jaraj planoj.
La kompletan raporton ni disponigas al la sponsoroj, kiuj jam ricevis mesaĝon pri la alirebloj. 

Krom tio ni informas vin ke en tiu ĉi malfacila periodo ni malfermis por ĉiu membro la kolekton de la instrumaterialoj, sekve vi povas libere elŝuti ion ajn el la ĉ. 900 materialoj kaj ekzerci vin en la deviga fermiteco. Ni daŭre provos disponigi al vi interesajn aferojn, bonvolu regule viziti nian retejon. 

Ni esprimas niajn sincerajn kunsentojn al ĉiuj membroj, en kies lando la viruso prenas siajn viktimojn kaj deziras al vi ĉiuj reziston. 
Ni esperas, ke la pandemio rapide finiĝos kaj la vivo reprenos sian ĉiutagan formon. La devige nuligitaj aranĝoj sentigas al ni la mankojn, sopirigas nin je novaj okazoj. 
Ni petas vin ĉiujn respekti la regulojn, agi prudente kaj protekti vin mem kaj viajn proksimulojn.

Atendas vian viziton, Katalin Kovats,  la redaktoro de edukado.net

Legu pli ĉe la paĝo: https://edukado.net/novajhoj?id=817