Vojaĝo ĝis noktofino.
                                     La 17-an de januaro 1947, en Meksiko, Lanti, la fondinto de Sat-amikaro memmortigis ne plu povante  suferi doloregon ĉe la kapo. Jam dufoje antaŭe Lanti aranĝis atencon kontraŭ si mem. Kaj en la jaro 1940, la kamarado Sabatie el Buenos-Ajreso skribis al li: " Vi, kamarado Lanti, flanken lasu viajn "aĉajn ideojn" pri morto, kiam vi povas doni al ni tiom da bonegaj ideoj, kiel vi jam donis ĝis nun al ni... Ke post tiu ĉi nigra epoko nepre venos alia pli konforma al niaj idealoj...Mi invitas vin rikolti la fruktojn de l'semoj semitaj de vi mem."
Memore al la la ĝisosta esperantisto Lanti, venu pli da fruktoj konformaj al la senĉesa agado de tiu lerta verkisto kiu postlasas al ni tiom da kurtaj verkoj en lapidara stilo kaj ankaŭ la ekzemplon de iu, kiu elektis E-on kiel hejman lingvon