Novan, pli rapidan servilon por Esperanto-TV!

Esperanto-TV, ETV, estas projekto por distribui altkvalitajn Esperantajn filmojn per moderna interreta teknologio. La projekto startis en aprilo 2014, ekde tiam produktis kaj distribuis multajn filmojn (averaĝe ĉirkaŭ 30 minutojn ĉiutage). La elsendoj estas atingeblaj en senstopa reĝimo ĉe http://www.esperantotv.net, kie estas deponataj kaj spekteblaj ankaŭ la antaŭaj filmoj.

Esperanto-TV petas vian helpon

La nuna, unua, enkonduka fazo de la projekto sukcesis, fakte ĝi jam ricevas kunlaboraĵojn de la tuta mondo kaj la kanalo estas pli kaj pli konata. Tiu fazo estas ankoraŭ youtube-stila, por ebligi la spektantojn ĝui la programaron sen problemoj de elsendo aŭ tempo.

En la dua fazo ETV iĝos la vera servo, pro la ebleco rekte elsendi materialojn kaj gravajn eventojn, kiel ekzemple naciajn kaj internaciajn kongresojn. - En la dua fazo, fakte, la televid-kanalo estos elsendata per tre rapida Interreto kun IPTV-teknologio, spektebla ne nur per komputilo sed ankaŭ per novaj televidaparatoj kaj poŝtelefonoj. La tria fazo celas resume instingi la kreskon de la Esperanto-filmindustrio kaj kinarto.

La unua fazo estis atingita per la propraj fortoj de la skipo, sed la sekva fazo ne estas same atingebla pro pli pezaj kostoj - kaj la skipo de ETV turnas sin al vi kun peto de helpo akiri propran servilon - anstataŭ la ĝis nun luata malnova aparato.

Detaloj ĉe la alvoko estas legeblaj ĉe:
https://www.indiegogo.com/projects/servilo-por-esperanto-tv-server-for-esperanto-tv

Dankon pro via helpo kaj kontribuo.

------
Lingvo-Studio, L.S.
www.eventoj.hu

_______________________________________________ 
                        Ĉe plusendo de la mesago bv. nepre mencii la fonton: Ret-Info / Lingvo-Studio

En 1929, Lanti eldonigis tradukon de tri verkoj de Voltaire, la mondfama franca verkisto. Jen kelkaj frazoj el la antaŭparolo, kiuj emfazas la celon de la tradukinto.

" Malgraŭ tio, ke la scienco kaj tekniko faris grandegan progreson, la racio tamen ne multe penetris en la cerbojn de la popolamaso. Se la religia fanatikemo perdis iom da forto kaj akro en kelkaj mondpartoj, tie stariĝis aliaj ne malpli danĝeraj kaj detruaj: la naciismo, rasismo, faŝismo, partieca fanatiko ne faras nuntempe malpli da viktimoj ol la " Sankta Inkvizicio"...

Kion li dirus hodiaŭ ?

                                             Diru al mi kial.

Infano disŝirita per obusaj splitoj

Provas vidi tra sango kaj larmoj

La vizaĝon de tiuj, kiuj aŭdacis kaj povis

Uzi siajn armilojn kontraŭ senkulpaj viktimoj.

                 Li estas  ĉirkaŭita per hordo de agresemaj plenkreskuloj

                 Sen humaneco, plenaj je venĝemo

                 La mano ĉe la pafkliko, kun senesprima vizaĝo

                 Ekzekuciante senkulpulojn je ĉia malakordo.

Ili atendas, ke li mortu; ili ploras kaj entombigas lin

Rigardas unu al la alia kaj serĉas alian malakordon

Nesentemaj al la gepatraj doloroj

Kaj foriras dissemi malfeliĉon kaj morton.

                          La infano, la sango ankoraŭ varma, en sia tombo

                          Ankoraŭ demandas sin kaj volas kompreni

                          Kial nek sia olivarba branĉeto, nek sia kolombo,

                          Nek Dio, nek diabloj ne ĉeestis por lin defendi.

Ayad  lemhouer.     -   Montaigu tradukis.

Libera folio proponas al ni humuran desegnaĵon de Irananaj Kamaradoj. Kompense mi liveras al ili tri iranajn proverbojn, kiujn mi ŝatas:

Ebrieco de juneco pli forta ol ebrieco de vino.

Kaŝado en aferoj simile al alojo en mono: iomete da necesas, tro da senkreditigas.

Pli bone esti katenigita proksime al la amat(in)o

Ol esti libera meze de ĝardenoj proksime al la malamat(in)o.

En lia verko " Tero de la homoj", la mondfama franca verkisto, Saint-Exupéry, rakontas aviadistan sperton. Kraŝita meze de Saharo, forkonsumitaj la nutraĵoj kaj la akvo, la aventuristo meditas pri la vivo....

       Mi vidis homon kiu ankoraŭ vivis

       Post kiam oni pli ol centfoje ponardis lin ;

       Kaj poste mi vidis lin forpasi

       Kaŭze de unu rigardo.

 Koplaso: Andaluza Ampoemo.

Ne estas ĉe la anonima aŭtoro de la koplao artemo....Li ne verkas. Li fordonas al vento sian vespiron kaj la vento ĝin redonas al li....Preskaŭ ĉiam ĝi estas trista kiel la homa situacio...

                                                                                     La tradukinto: Guy Levis Mano.

La plejsupra celo de ĉiu popolo estas dissemi humanecon kaj videblaĵojn al la videbla mondo kaj al la nevidebla"

                        " La ŝipo sur la montaro"  de Koŝtan Zarian. Edit: Thaddée.

Mondcivitano, kiu naskiĝis en Kaŭkazo, frekventis verkistojn kaj revolucianojn el la tuta mondo, K. Zarian priskribas mitomaniere la renaskiĝon de la Armenia nacio, post la révolucio de oktobro 1917 en Rusio kaj la genocidon de 1915-16 fare de la Otomana Imperio.La heroo de la romano, Ara Herian, ŝipestro konscia de la terura alvenonta batalo, eliras Nigran Maron kaj vojaĝas al lia tutnova lando.

Malbonaj novaĵoj daŭre alvenas pri Fukuŝima. Hori Yasuo raportas kaj la loka ĵurnalo konfirmas. Tepco ne sukcesas kongeli la 11.000 tunojn da akvo stokitajn en la kavoj  sub la du konstruaĵoj ŝirmante la du reaktorojn de la centralo. Tepco konsideras alian projekton fone de skandalo: proponi monon al la loĝantaro por ke ĝi akceptu polucion. La faka ministro devis senkulpigi sin pro la skandalo.

Ne plu estas por stilzoj,

            Sed por bastono, ke hodiaŭ

Mi vizitas la bambuon.

            De miaj infanaj ludoj

Revenas al mi la memoro.

                   Anstataŭante

                          La sunsubiron

                   Ĉe la fenestro

                          La vespera luno

                    Disdonas sian lumon.